|
Bilang upal batakun ka nini bini wan atuk laki. Takakana bagamat manyuuk, bakidip bapatak mamaraki handak manyuari matan nang
tuha-tuha bahari, napa pang ‘pandinding’ ilmu gasan panyangga diri urang bahari ? Huhunyanyang, kalawasan mangiciki.
Tapaning surangan batapuk dahi, bagintas jari, gagarunum bilang parak satangah lali. ”Napa jua pang tuntutan andika
bahari ?” Bubuhan nang anum takarumus muha, tagicing gigi, garujutan kaning, kujub-kujub, takijim tabincalak umpat mahawasi,
magun kada jua maharati. Gawian nang disambat turang MANYALAYA .Wasi tuha batagar nang jabuk di haragu, ‘barang’
tahagaan rahat mangukut bulanak wayah manambak tungkaran bahari. Dikariup, dipundut awan kain kuning bakasumba bungur. Napakah
ka inahulnya ?
|
